Paşinyan: “Sabah Qarabağa gedirəm...”



Ermənistanda bu gün baş nazir seçilən müxalifət lideri, keçmiş qəzet redaktoru Nikol Paşinyan sabah mayın 9-da Azərbaycanın işğal altındakı ərazilərinə gələcək. Bu haqda Paşinyan jurnalistlərə deyib. “Sabah mayın 9-da Dağlıq Qarabağa gedəcəm”-o bildirib. Paşinyanın Qarabağa gəlməkdə məqsədi Azərbaycanın Şuşa şəhərinin işğalının ildönümü ilə bağlı hər il ermənilərin keçirdikləri bayram tədbirlərinə qatılmaqdır. Gözlənilir ki, o təmas xəttinə də baş çəkəcək.

Habelə məlum olub ki, Rusiya prezidenti Vladimir Putin artıq Nikol Paşinyana baş nazir seçilməsi münasibətilə təbrik göndərib. Kremldə ümid edirlər ki, Paşinyanın seçilməsi Rusiya ilə Ermənistan arasında münasibətlərin daha da möhkəmlənməsinə xidmət edəcək.




Facebook-da paylaş