Saakaşvili siyasətçiləri Lvova yığır



Odessa vilayətinin sabiq qubernatoru, Gürcüstanın keçmiş prezidenti Mixail Saakaşvili bü gün Lvovda siyasətçilərlə bir sıra görüşlər, həmçinin mətbuat konfransı keçirəcək.

Bu barədə RİA Novosti-yə M.Saakaşvilinin rəhbəri olduğu "Yeni Qüvvələr Hərəkatı" partiyasının mətbuat xidmətindən məlumat veriblər.
"Hazırda Mixail Lvovdadır. O, bu gün mətbuat konfransı, eləcə də siyasətçilər ilə bir sıra görüşlər keçirəcək ", - deyə mətbuat xidmətinin nümayəndəsi bildirib.

Bununla belə Gürcüstanın eks-prezidentinin görüşməli olduğu siyasətçilərin adları açıqlanmır.
Yeri gəlmişkən, Mixail Saakaşvili bəyan edib ki, o, Ukrayna pasportunu Ukrayna ilə sərhəddə avtobusda saxlayıb, sonra isə polislər gəlib və pasportu oğurlayıb.

O qeyd edib ki, indi onun pasportu hüquq-mühafizə orqanlarındadır. Bununla yanaşı, o deyib ki, Ukrayna sərhədində baş verən insidentlə bağlı özünü cinayətkar saymır.

Xatırladaq ki, Dövlət Sərhəd Xidməti rəhbərinin köməkçisi Oleq Slobodyan M.Saakaşvilinin Ukrayna sərhədini qanunsuz keçdiyini əsas gətirərək barəsində cinayət işi açıldığını bildirib.




Facebook-da paylaş